Í rúmlega hálftíma keyrslu austur frá miðborg Lissabon liggur úthverfið Colares sem hefur spilað stóran þátt í portúgalskri sögu, jafnvel löngu áður en þjóðin Portúgal varð til.

Svæðið var meðal annars hernumið af Noregskonungnum Sigurði Jórsalafara í miðri þriggja ára pílagríms- og herför hans til Jerúsalem árið 1108.

Ásamt því að vera sögufrægt úthverfi Lissabon þá spilar Colares einnig stórt hlutverk í portúgalskri vínframleiðslu. Við rætur Sierra de Sintra-fjallanna sitja fjölmargar vínekrur sem eiga það sameiginlegt að framleiða hágæða vín en með ögn af sjávarsalti sem berst til fjallanna úr Atlantshafinu.