Japanski bílaframleiðandinn Toyota mun að sögn Geraldo Alckmin, varaforseta og iðnaðarráðherra Brasilíu, fjárfesta fyrir 2,2 milljarða dala í landinu.

Toyota hefur þó ekki viljað gefa út neitt um hvað fjárfestingin felur í sér en varaforsetinn segir í færslu á samfélagsmiðlum að áformin verði kynnt síðar í vikunni í verksmiðju Toyota í borginni Sorocaba í Sao Paulo fylki. Hann gaf þó upp að með fjárfestingunni yrðu til tvö þúsund ný störf, auk þess sem hún myndi skila af sér nýjum bílategundum.