Carbon Recycling International (CRI), sem á og rekur verksmiðju hér á landi og vinnur að uppbyggingu á verksmiðjum í Evrópu og Kína, tapaði 935 milljónum króna á síðasta ári en árið áður tapaði félagið 882 milljónum króna. Tekjur CRI námu 419 milljónum króna og kostnaður 725 milljónum króna.
Eignir námu 4,2 milljörðum króna og eigið fé tæplega 2 milljörðum króna. Laun og launatengd gjöld námu 503 milljónum króna en að jafnaði starfaði 31 starfsmaður hjá félaginu í fyrra. Ingólfur Guðmundsson er forstjóri CRI.
