Skuldatryggingaálagið (CDS) á Spán hefur hækkað í kjölfær lækkunar á lánshæfismati landsins. Nú er álagið á 5 ára skuldabréf ríkissjóðs Spánar nú komið í 257 punkta en stóð á mánudaginn í 237 punktum. Álagið hefur ekki verið hærra í tvo mánuði.
Skuldatryggingaálagið á Grikkland hefur haldið áfram að hækka og er álag á skuldir ríkissjóðs Gríkklands nú komið í 1.042 punkta en var í 1.031 á mánudag.
Skuldatryggingaálagið á Írland stendur nú í 595 punktum og í Portúgal er álagið 505 punktar. Álagið á bæði ríkin hafa hækkað lítillega síðustu daga.
Álagið á skuldir ríkissjóðs Íslands hefur lítið breyst í vikunni, er nú 240 punktar en hefur lægst farið í 224 punkta í ár. Álagið áÍsland og Spán hefur verið svipað undanfarið en Spánn hefur síðustu daga hækkað meðan Ísland hefur staðið í stað.
Stækka má myndina með því að smella á hana.