Skiptum á fyrrverandi rekstrarfélagi tónlistarhátíðarinnar Iceland Airwaves, IA tónlistarhátíð ehf., er lokið og voru engar eignir í búinu.
Lýstar kröfur námu tæpum 22 milljónum króna án þess að greiða hafi fengist.
IA tónlistarhátíð var úrskurðað gjaldþrota í byrjun árs en Iceland Airwaves hátíðin var síðast rekin af félaginu árið 2017.
Sena Live keypti hátíðina af félaginu í febrúar 2018 í kjölfar tapreksturs síðastliðinn tvö ár. Grímur Atlason, framkvæmdastjóri um árabil , lét af störfum samhliða kaupunum.
IA tónlistarhátíðin var í eigu Útflutningsskrifstofa íslenskrar tónlistar (Útón), sem heyrir undir mennta- og menningarmálaráðuneytið en félagið fær tekjur í gegnum fjárlög.
Félagið skilaði ársreikningi fyrir rekstrarárið 2016 og nam tap félagsins 57 milljónum og eigið fé var neikvætt um 46,2 milljónir.