Eyrir Invest ehf. jók við hlut sinn í Marel í dag þegar félagið keypti fyrir 140 milljónir króna að markaðsvirði í Marel samkvæmt tilkynningu til Kauphallarinnar. Þar með á félagið 118.790.046 hluti í Marel eða tæpa 9 milljarða króna að markaðsvirði.
Eyrir Invest ehf. er fruminnherji í Marel hf. Árni Oddur Þórðarson, forstjóri Eyrir Invest ehf, er stjórnarformaður í Marel og Margrét Jónsdóttir, fjármálastjóri í Eyrir Invest ehf. er stjórnarmaður í Marel hf. Bréf Marels hækkuðu um 2% í viðskiptum dagsins.
