Hlutabréfaverð bandarísku raftækjaverslunarkeðjunnar GameStop féllu um 20% við lokun markaðar í gær eftir að stjórn fyrirtækisins ákvað að reka Matthew Furlong, forstjóra.
Dagslokagengi Gamestop í gær var 26,39 Bandaríkjadalir en fyrirtækið mun opna í 21,09 Bandaríkjadölum.
Furlong, sem var áður háttsettur yfirmaður hjá Amazon, tók við GameStop í júní 2021.
Ársfjórðungsuppgjör GameStop sýndi dræmar sölutölur og ákvað stjórnin því að ráðast í aðgerðir. Ryan Cohen, stofnandi netverslunarinnar Chewy, hefur tekið við stjórnartaumunum.
Hlutabréfaverð fyrirtækisins hefur verið á mikilli ferð síðustu mánuði en það hækkaði um 40% í mars eftir að eftir að félagið skilaði hagnaði í fyrsta sinn í tvö ár.
Salan dróst þó saman um 1,2% á milli ára og nam 2,23 milljörðum dala á fjórðungnum.
