Hlutabréf í flugfélaginu Play hafa hækkað um 7,22% frá opnun markaðar á First North.
Flugfélagið tilkynnti farþegatölur í morgun en í þeim kom fram að aldrei hafa fleiri flogið með Play og í maímánuði. Farþegar voru alls 128.894 talsins og var sætanýtingin um 85%.
Einungis hafa átta viðskipti átt sér stað með hlutabréf Play það sem af er degi. Dagslokagengið í gær var 9,7 krónur og hefur það hækkað í 10,40 krónur. Velta viðskiptana er ekki mikil, 14 milljónir króna.
Jákvæðar farþegatölur fyrir sumarið gefur flugfélaginu byr undir báða vængi en félagið hefur lækkað um 20,61% á árinu.
Farþegum Play fjölgaði um 26% á milli mánaða en í apríl voru þeir 102.499 talsins.
Á sama tíma fyrra flutti Play 56.601 farþega og sætanýting nam 69,6%.
Hliðartekjur félagsins hafa einnig aldrei verið meiri í einum mánuði og voru 28% meiri nú en í maí í fyrra.
