Rafbílavæðing
NLE stendur fyrir Northern Lights Energy og er ungt og framsækið fyrirtæki sem er að hasla sér völl á sviði orku og samgöngutækni. Þar er megináherslan lögð á að fjárfesta í verkefnum sem hafa samfélagsleg áhrif og skipta máli í sjálfbærri nýtingu náttúruauðlinda. Eitt helsta verkefni NLE er rafbílavæðing Íslands. NLE Norge er útrás NLE og mun annast sölu í Noregi á þeim rafbílum sem fyrirtækið hefur samið um sölu á við rafbílaframleiðendur víða um heim. Í Noregi er frjór jarðvegur til að hefja sölu rafbíla þar sem mikið er gert til að koma rafbílum þar á göturnar af því er fram kemur á vefsíðu NLE.
Íþróttakennari og fjárfestir
Stjórnarmaður NLE Norge er Stefán Arnalds sem jafnframt er annar eigandi Gersema. Stefán hefur áður reynt fyrir sér í fjárfestingum en hann stofnaði fjárfestingarfélagið Bola og Birni ehf. árið 2006. Þá er hann annar stofnandi Snyrtistofu Kristrínar ehf. sem stofnuð var á síðata ári. Það sama ár stofnaði hann einnig félagið EV-17 ehf. sem sér um sölu og leigu íbúða- og atvinnuhúsnæðis. Nú í febrúar stofnaði hann félagið 270 Veitingar ehf. sem á reksturinn á veitingastaðnum Hvíta riddaranum í Mosfellsbæ. Stefán er með UEFA A þjálfaragráðu sem er hæsta þjálfaragráða sem er í boði á Íslandi. Hann var um tíma íþróttakennari í Hólabrekkuskóla og aðstoðaþjálfari BÍ/Bolungavíkur.Hann hefur jafnfram gengt stöðu þjálfara margra yngri flokka BÍ/Bolungarvíkur síðustu ár enda Bolgvíkingur í húð og hár. Þá er Stefán mikill áhugamaður um skák.
