Sérstakur saksóknari hefur kært frávísun héraðsdóms Reykjaness í Aserta-málinu svokallaða. Málinu var vísað frá vegna óskýrleika í ákæru. Fréttablaðið fjallar um málið í dag og hefur eftir Ólafi Haukssyni, sérstökum saksóknara, að verið sé að kanna hvort þau mistök sem gerð voru í málinu geti haft áhrif á önnum mál sem eru til rannsóknar hjá embættinu.
Hinir ákærðu voru handboltakappinn Markús Máni Michaelsson, Karl Löve Jóhannsson, Gísli Reynisson og Ólafur Sigmundsson. Fjórmenningarnir eru grunaðir um að hafa á tímabilinu 25. mars 2009 til 2. nóvember 2009 haft milligöngu um gjaldeyrisviðskipti hér á landi. fyrir viðskiptavini á aflandsmarkaði í gegnum eignarhaldsfélagið Aserta. Þingfest var í málinu í héraðsdómi Reykjaness í apríl í fyrra. Þegar í ljós kom að ráðherra hafði ekki undirritað reglur um gjaldeyrismál og ekki hægt að byggja refsingu á reglunum var ákærunni breytt.
Verulegur hagnaður
Í umfjöllun Viðskiptablaðsins kom fram að meðalhagnaður viðskiptavina Aserta var um 36 milljónir á hvern þeirra fjögurra sem ákærðir voru í málinu. Heildartekjur fjórmenninganna sem ákærðir voru nam samkvæmt útreikning um saksóknara annaðhvort 656 milljónum króna eða 693 milljónum. Hagnaður umbjóðenda þeirra var hins vegar miklum mun meiri, en ætla má að hann hafi numið um þremur milljörð um króna. Taka ber fram að þessi tala kemur ekki fram í ákærunni, heldur er hér um lauslegan út reikning að ræða byggðan á afla nds og innanlandsgengi krónu gagnvart evru á því tímabili sem meint brot fóru fram.
