*

þriðjudagur, 18. júní 2019
Innlent 29. október 2015 10:32

Sigmundur og Cameron stofna starfshóp um sæstreng

Forsenda samningsins er að verð til fyrirtækja og heimila muni ekki hækka.

Ritstjórn
David Cameron, forsætisráðherra Bretlands.
european pressphoto agency

Sigmundur Davíð Gunnlaugsson, forsætisráðherra Íslands og David Cameron, forsætisráðherra Bretlands ákváðu að setja á fót vinnuhóp um lagningu sæstrengs milli Íslands og Bretlands.

Vinnuhópurinn á að skila skýrslu um málið innan sex mánaða. Ef ákveðið verði að leggja sæstrenginn þá er gert ráð fyrir því að verkefnið muni taka um 10 ár í byggingu. Samkvæmt tilkynningu á vef forsætisráðuneytisins er forsenda þess að sæstrengur verði lagður að verð til heimila og fyrirtækja hækki ekki.

Það hefur lengi verið ljóst að Bretar eru mjög áhugasamir um lagningu sæstrengs milli landanna, en fyrr á árinu greindi Viðskiptablaðið frá því að allir stærstu stjórnmálaflokkar Bretlands væru sammála um að sæstrengur til Íslands sé einn af áhugaverðustu kostunum á borði Breta til að mæta skuldbindingum þeirra og þörfum í orkumálum.

 Bjarni Benediktsson, fjármála- og efnahagsráðherra sagði einnig í september að sæstrengur milli landanna væri áhugaverður kostur

Stikkorð: Bretland Ísland Sæstrengur
25 ára afmælistilboð VB – 50% afsláttur af áskrift

Afmælistilboð VB

Viðskiptablaðið er 25 ára og af því tilefni býðst nýjum áskrifendum að kaupa áskrift á 50% afslætti.
Afmælisverðið er aðeins 2.500 krónur.

Tilboðið er fyrir nýja áskrifendur. Núverandi áskrifendur geta bætt við sig áskrift á þessu verði. Gildir í 4 mánuði. Áskrifendur fá Viðskiptablaðið, Frjálsa verslun og Fiskifréttir sent ásamt vefaðgangi að vb.is og fiskifrettir.is