*

laugardagur, 31. júlí 2021
Innlent 14. nóvember 2013 10:13

Stór bankadagur í héraðsdómi

Sérstakur saksóknara rekur tvö mál gegn bankamönnum og útrásarvíkingi í héraðsdómi Reykjavíkur fyrir hádegið og Landsbankinn eitt.

Ritstjórn
Haraldur Guðjónsson

Bankamenn og útrásarvíkingar eru í aðalhlutverki í nokkrum málum fyrir hádegi í Héraðsdómi Reykjavíkur í dag.

Dagurinn hófst klukkan 9 með síðasta degi aðalmeðferðar í Al Thani-máli embættis sérstaks saksóknara gegn þeim Sigurði Einarssyni, fyrrverandi stjórnarformanni Kaupþings, Hreiðari Má Sigurðssyni, sem var forstjóri bankans, Magnúsi Guðmundssyni, sem stýrði Kaupþingi í Lúxemborg, og Ólafi Ólafssyni, sem var einn af stærstu hluthöfum bankans. 

Hálftíma síðar var fyrirtaka í skaðabótamáli Landsbankans gegn þeim Sigurjóni Þ. Árnasyni, fyrrverandi bankastjóra gamla Landsbankans, Steinþór Gunnarssyni og Yngva erni Kristinssyni, fyrrverandi yfirmönnum bankans. 

Síðasta stóra málið í héraðsdómi er svo klukkan 10:20 með þingfestingu á máli embættis sérstaks saksóknara gegn Hannesi Smárasyni, fyrrverandi forstjóra FL Group, vegna viðskipta með danska flugfélagið Sterling.