Veitingastaðurinn Ítalía er einn elsti starfandi veitingastaður í Reykjavík. Hann hafði verið í eigu tveggja ítalskra veitingamanna alveg frá því hann opnaði árið 1991 en árið 2022 urðu eigendaskipti og í kjölfarið urðu nokkrar breytingar á matseðli og hann uppfærður.

Í byrjun árs var svo tilkynnt að Ítalía myndi loka við Laugaveg eftir áratuga viðveru og flytja sig yfir á Frakkastíg þar sem veitingahúsið Reykjavik Meat by Maison hafði verið til húsa áður en þeim stað var lokað.