Vilhjálmur Birgisson, formaður Verkalýðsfélags Akraness, hefur verið kjörinn 1. varaforseti ASÍ og Guðbrandur Einarsson formaður Verslunarmannafélag Suðurnesja hefur verið kjörinn 2. varaforseti.
Vilhjálmur hlaut 171 atkvæði eða 59,8% greiddra atkvæða en Guðbrandur Einarsson 115 atkvæði eða 40,2% atkvæða en þrjú atkvæði voru auð eða ógild. Vilhjálmur Birgisson hugðist áður bjóða sig fram sem 2. varaforseti.
Vendingar urðu hins vegar í dag þegar Ragnar Þór Ingólfsson, formaður VR, dró framboð sitt sem 1. varaforseti til baka.
Í samtali við Mbl.is sagðist Ragnar hafa viljað skapa sátt innan sambandsins. „Ég tók ákvörðun um að draga framboð mitt til baka til að skapa sátt innan hreyfingarinnar, sem er ennþá uppfull af vondri pólitík og taumlausu hatri,“ sagði Ragnar.
Kristján Þórður Snæbjarnarson formaður Rafiðnaðarsambands Íslands var því sjálfkjörinn í embætti 2. varaforseta.
