Þingmenn Sjálfstæðisflokks hafa beint því til forseta Alþingis í umræðum í dag að þingfundi verði frestað í kvöld á meðan borgarafundur Ríkisútvarpsins á Ísafirði fer fram.
Þuríður Backman, sem stýrir þingfundi, hefur ekki vilja kveða upp úr um það að fundi verði frestað. Bein útsending verður frá borgarafundinum í Sjónvarpinu.
Enn óvíst um þinglok
Þingmenn hafa í dag rætt frumvarp til stjórnarskipunarlaga en tillaga Þorgerðar K. Gunnarsdóttur, varaformanns Sjálfstæðisflokksins, um að umræðunni verði frestað svo hægt verði að ræða heimild til samninga um álver í Helguvík, var felld fyrr í dag.
Það voru þingmenn Samfylkingar, Framsóknar, VG og Frjálslyndra sem felldu tillöguna.
Ekki liggur enn fyrir hve langt fram að kosningum þingið mun starfa.