Prófkjöri Pírata er lokið, niðurstaðan er sú að Birgitta Jónsdóttir er efst, Jón Þór Ólafsson er í 2. sæti og Ásta Helgadóttir í því þriðja. Ásta og Birgitta eru núverandi þingmenn Pírata, en Ásta tók við sæti á Alþingi þegar Jón Þór sagði af sér þingmennsku á kjörtímabilinu.
Ljóst er að þau munu líklega leiða hvert sitt kjördæmið á höfuðborgarsvæðinu, en sá í efsa sæti fær fyrstur að velja í hvaða kjördæmi viðkomandi býður sig fram í, svo næsti á eftir og svo framvegis.
Helgi Hrafn Gunnarsson núverandi þingmaður bauð sig ekki fram. Athygli vekur að Þór Saari fyrrum þingmaður hreyfingarinnar náði 11. sæti í prófkjörinu. Hér er listinn yfir þá 15 efstu í prófkjörinu sem þá væntanlega verða í 5 efstu sætunum í Reykjavíkurkjördæmi Suður, Reykjavíkurkjördæmi Norður og Suðvesturkjördæmi, kraganum svokallaða.
- Birgitta Jónsdóttir
- Jón Þór Ólafsson
- Ásta Helgadóttir
- Björn Leví Gunnarsson
- Gunnar Hrafn Jónsson
- Þórhildur Sunna Ævarsdóttir
- Viktor Orri Valgarðsson
- Halldóra Mogensen
- Andri Þór Sturluson
- Sara E. Þórðardóttir Oskarsson
- Þór Saari
- Olga Cilia
- Sigurbjörg Erla Egilsdóttir
- Katla Hólm Vilbergs- og Þórhildardóttir
- Snæbjörn Brynjarsson
Hér er hægt að sjá hvernig kosningarnar fóru.
