Alls fóru 20 þúsund erlendir gestir frá landinu um Leifsstöð í janúarmánuði síðastliðnum, 300 færri en í janúarmánuði árinu áður.
Erlendum gestum fækkar því um 1,5% milli ára.
Þetta kemur fram á vef Ferðamálastofu.
Þar er jafnframt greint frá því að brottförum Íslendinga fækkaði verulega eða um 40%, voru 16 þúsund í janúar 2009 en 31 þúsund á árinu 2008.
Ef litið er til helstu landa má sjá nokkra fjölgun gesta frá Þýskalandi, Japan og Bandaríkjunum. Bretar standa í stað. Norðurlandabúum fækkar hins vegar lítillega eða um 6%, Frökkum um 12% og Pólverjum um 15%.
Gestum frá öðrum löndum og fjarmörkuðum fækkar um 13%.