Olíufyrirtækið Faroe Petroleum keypti á dögunum hlut í fjórum olíuvinnslusvæðum utan Noregs af danska fyrirtækinu Dong Energy fyrir 70,9 milljónir Bandaríkjadollara. Þetta kemur fram á vef mbl.
Með viðskiptunum mun heildarvinnsla olíu Faroe Petroleum fara úr 8.000 tunnum á dag í um 15.000–17.000 tunnur á dag og verður Faroe Petroleum því rekstraraðili á Trym- og Oselvar-svæðunum verður Faroe Petroleum nú rekstraraðilinn á þessum svæðum. Þýðir það að félagið sér um daglega stjórn kolvetnisstarfseminnar fyrir hönd vinnsluleyfishafanna.
Fyrirtækið hækkaði einnig talsvert á mörkuðum í vikunni eftir að tilkynnt var um að olíuleit félagsins utan Noregs leiddi í ljós mikið magn af vinnanlegri olíu á svæðinu. Er um að ræða stærsta olíufund fyrirtækisins frá upphafi. Hlutafé félagsins var í vikunni hækkað til að takast á við komandi fjárfestingar á svæðinu.