„Í grunninn þá er ég mest í hugmyndavinnu og þessu erkitýpíska „plöggi“ og kynningarvinnu. En svo hef ég líka verið ráðinn í að halda fyrir fyrirtæki viðburði sem í kjölfarið eru oft kynntir út á við,“ segir Jón Gunnar Geirdal, eigandi og stofnandi markaðsfyrirtækisins Ysland .
Ysland fagnar eins árs afmæli þessa dagana en fyrirtækið hefur að nokkru leyti sérhæft sig í að koma skilaboðum fyrirtækja á framfæri með öðrum leiðum en hefðbundnum auglýsingum og markaðsherferðum. Jón Gunnar segir aðspurður eitt besta dæmið um þetta vera opnun veitinga staðarins Lemon. „Við settum inn atvinnuauglýsingu en þegar viðbrögðin byrjuðu þá kviknaði þessi hugmynd um að búa til áheyrnarprufur,“ segir Jón Gunnar en að hans sögn komu við brögðin við auglýsingunni öllum í opna skjöldu. „Þegar það byrjaði að rigna inn umsóknum í hundraða tali þá hugsuðum við að það þyrfti að nýta þetta augnablik.“
Ysland hefur unnið með fjölmörgum fyrirtækjum á liðnu ári en þar á meðal má nefna Vodafone, Mjólkursamsöluna, Valitor auk annarra.
Nánar er fjallað um málið í Viðskiptablaðinu. Áskrifendur geta nálgast blaðið undir liðnum tölublöð hér .
