Sænska fataverslunarkeðjan H&M hefur uppfært afkomuspá sína en hagnaður félagsins á árinu er vel yfir fyrri spám.
Samkvæmt afkomuspánni voru sölutekjur meiri í febrúar en vonir stóðu til en neytendur eru sagðir vera taka vel í vorlínu H&M.
Hlutabréfaverð H&M hefur hækkað um 13% í sænsku Kauphöllinni í fyrstu viðskiptum.
Samkvæmt The Wall Street Journal er fataverslunarrisinn að auka skilvirkni og minnka kostnað um tvo milljarða sænskra króna á ári. Samsvarar það um 26 milljörðum íslenskra króna. Takist það ætlar H&M að lækka vöruverð sitt enn frekar.
„Aðalmarkmiðið okkar er að auka söluna,“ segir Daniel Erver forstjóri H&M í afkomuspánni.