Hákon Hrafn Sigurðsson og Birna Guðmundsdóttir fóru með sigur af hólmi hvort í sínum flokki í hjólreiðakeppninni Alvogen Time Trial sem haldin var í fyrsta sinn í gærkvöldi. Ræst var við tónlistar- og ráðstefnuhúsið Hörpu og hjólað í tveimur flokkum upp fyrir Laugarnesveg og til baka í keppt í götu- og þríþrautaflokki (16km og 32km) í kvenna og karlaflokki.
Veitt voru verðlaun fyrir þrjú efstu sætin í hverjum flokki og runnu 900.000 krónur af verðlaunafé til góðgerðamála að vali vinningshafa.
Fram kemur í tilkynningu að margir af hröðustu hjólreiðamönnum og konum voru mætt til keppni og mikill fjöldi áhorfenda vakti athygli. Keppnin var tileinkuð réttindum barna og runnu skráningargjöld keppenda til menntunarverkefna UNICEF og Rauða krossins.
Hákon og Birna fyrst í mark
Sigurvegarar í þríþrautarflokki (32 KM ) voru þau Hákon Hrafn Sigurðsson og Birna Björnsdóttir. Það var þó árangur Emils Tuma Víglundssonar sem kom hvað mest á óvart en hann er aðeins 16 ára og náði að hjóla brautina á næst best tíma kvöldsins. Í götuhjólaflokki voru það svo Árni Már Jónsson og Alma María Rögnvaldsdóttir sem voru sigurvegarar kvöldins. Þá voru einnig verðlaunuð sterkustu stuðningslið kvöldsins og voru það stuðningslið Emils Tuma og Hákons Hrafns sem sigruðu þar spennandi keppni
Hér má sjá myndir af efstu keppendum í öllum flokkum. Myndirnar tók Pétur Þór Ragnarsson.
