Slitastjórn Landsbanka Íslands hefur höfðað mál á hendur Halldóri J. Kristjáns yni, fyrrum bankastjóra bankans, í annað sinn vegna greiðslna í séreignalífeyrissparnaðarsjóð Halldórs 19. september 2008. Fjármálaeftirlitið greip inn í rekstur Landsbankans örfáum vikum síðar, 7. október, og skipaði skilanefnd yfir bankann.
Stefnan á hendur Halldóri var birt 25. apríl síðastliðinn. Slitastjórnin krefst þess að staðfest verði riftun á 100 milljóna króna greiðslu Landsbanka Íslands í lífeyrissjóð í þágu Halldórs.
Riftunin er dagsett 14. maí 2010. Greiðslan í lífeyrissjóð Halldórs var gerð á grundvelli bókunar Kjaranefndar bankaráðs „um lífeyrismál og breytingar á tilhögun kauprétta bankastjóra“ frá 11. september og minnisblaðs frá 16. september 2008.
Nánar er fjallað um málið í nýjasta tölublaði Viðskiptablaðsins. Áskrifendur geta nálgast blaðið hér að ofan undir liðnum Tölublöð.