*

þriðjudagur, 3. ágúst 2021
Innlent 8. maí 2013 21:01

Dagur einn kaupenda Bílanausts

Tvær fjölskyldur sameinast um kaup á Bílanausti af N1. Handboltaþjálfarinn Dagur Sigurðsson er á meðal kaupenda.

Jón Aðalsteinn Bergsvein
Dagur Sigurðsson við völlinn.
Aðrir ljósmyndarar

Landsliðshetjan Dagur Sigurðsson, handboltaþjálfari þýska úrvaldsdeildarliðsins Füchse Berlin, er á meðal væntanlegra kaupenda að verslunum og verkstæði Bílanausts af N1. Dagur var á meðal stofnenda Kex Hostel. Hann er bróðir Lárusar Blöndal Sigurðssonar, sem fer fyrir hópi fjárfesta sem hafa undirritað samning um kaup á fyrirtækinu. Kaupin eru háð samþykkis Samkeppniseftirlitsins. Ef allt gengur eftir munu fjölskyldur Lárusar og Dags kaupa minnihluta í Bílanausti á móti félaginu Sundagarðar ehf. 

Eigendur Sundagarða eru Gunnar Gíslason, fyrrverandi stjórnarmaður í SPRON, og fjölskylda hans. Félagið átti árið 2011 m.a. hlutabréf í CCP, Dohop, Mata og Valiant Petroleum, sem í fyrravetur fékk ásamt fleiri félögum sérleyfi fyrir rannsóknir og vinnslu kolvetnis (olíu og gass) á Drekasvæðinu. 

Eggert Benedikt Guðmundsson, forstjóri N1, sagði í samtali við vb.is í morgun að ekki hafi staðið til að selja Bílanaust þegar rekstur N1 var stokkaður upp í fyrravetur. Þegar Bílanaust hafi öðlast sjálfstætt líf utan N1 um áramótin hafi fjárfestar viðrað áhuga á að kaupa fyrirtækið.