Stjórn HB Granda hefur samþykkt að hefja viðræður við Útgerðarfélag Reykjavíkur, áður Brim, félag Guðmundar Kristjánssonar forstjóra HB Granda, um kaup á sölufélögum í Japan, Hong Kong og á meginlandi Kína, sem og þjónustufélagi á Íslandi sem tengist framangreindum félögum.

Í fréttatilkynningu í kauphöllinni er tilgangurinn sagður að styrkja sölu- og markaðsstarf félagsins. Stefnt er að því að niðurstöður viðræðna liggi fyrir ekki síðar en við lok þriðja ársfjórðungs.

Eins og Viðskiptablaðið greindi fyrst frá á sínum tíma keypti Guðmundur, í gegnum félag sitt Brim, sem nú heitir Útgerðarfélag Reykjavíkur, þriðjungshlut í HB Granda af Kristjáni Loftssyni í Hval og tengdum aðilum á hátt í 22 milljarða króna.