Grænn litur er áberandi á mörkuðum Evrópu í morgun.
Námufyrirtæki hafa hækkað talsvert í kjölfar á 10 milljarða Bandaríkjadala yfirtökutilboði Xstrata í námufyrirtækið Lonmin. Lonmin tók ekki tilboðinu og hækkaði í kjölfarið um 47%.
FTSEurofirst 300 vísitalan hefur hækkað um 0,6% það sem af er degi.
FTSE 100 vísitalan í Lundúnum hefur hækkað um 0,3%, AEX vísitalan í Amsterdam hefur hækkað um 1,0% og í Frankfurt hefur DAX vísitalan hækkað um 0,3%.
Í París hefur CAC 40 vísitalan hækkað um 0,9% og í Sviss hefur SMI vísitalan hækkað um 0,1%.
Í Kaupmannahöfn hefur OMXC vísitalan hækkað um 1,3%, OMXS vísitalan í Stokkhólmi hefur hækkað um 1,5%, og í Osló hefur OBX vísitalan lækkað um 1,4%.
