Hlutabréf vestan hafs hækkuðu í dag eftir að uppgjör fyrirtækisins Cisco System olli hækkun bréfa tæknifyrirtækja og minnkun olíubirgða Bandaríkjanna ýtti undir hækkun olíuvinnslufyrirtækja.
Orðrómur um fyrirhuguð kaup Microsoft á eigin hlutafé hafði einnig jákvæð áhrif á markaðinn í dag.
Nasdaq vísitalan hækkaði um 1,2% í dag. Dow Jones hækkaði um 0,4% og Standard & Poor´s hækkaði um 0,3%.
Olíuverð lækkaði um 0,7% í dag og kostar olíutunnan nú 118,3 Bandaríkjadali.