Hlutabréfaverð líftæknilyfjafyrirtækisins Alvotech hækkaði um rúm 5% í 1,1 milljarða króna viðskiptum í dag og var dagslokagengi félagsins var 1.905 krónur.
Hlutabréfaverð Alvotech hefur tekið við sér í aprílmánuði en gengið stóð í 1620 krónum í byrjun mánaðar. Gengið hefur nú hækkað um 20% á árinu.
Gengi málmleitarfélagsins Amaroq hækkaði um rúmt 1% í 109 milljón króna veltu í viðskiptum dagsins.
Hlutabréfaverð Ölgerðarinnar hækkaði einnig um rúmt 1% í hátt í 300 milljón króna veltu en líkt og Viðskiptablaðið greindi frá í morgun yrðu breytingar á eignarhaldi félagsins í dag.
Ölgerðin birti einnig ársreikning eftir lokun markaða í gær en félagið hagnaðist um 3,3 milljarða í fyrra.
Líkt og flest önnur flugfélög í Evrópu lækkaði gengi Icelandair í viðskiptum dagsins en snörp hækkun á olíuverði í kjölfar árásar Ísraela á Íran litaði viðskipti með bréf flugfélaga í dag.
Hlutabréfaverð Icelandair lækkaði um rúm 3% í 209 milljón króna viðskiptum í dag.
Úrvalsvísitalan OMXI 15 hækkaði um 0,42% og var heildarvelta á markaði 4,6 milljarðar.
