Laun Höskuldar Ólafssonar, nú bankastjóra Arion banka, námu tæplega 3,6 milljónum króna á mánuði þegar hann starfaði í Valitor fram til loka maí 2010. Samtals voru greiddar tæplega 18 milljónir króna í laun til Höskuldar á árinu 2010.
Hann starfaði einungis fimm mánuði á árinu fyrir Valitor en hann hóf störf í júní 2010 fyrir Arion banka.
Laun Höskuldar nema nú 2,9 milljónum króna í Arion banka og fékk hann 10 milljóna króna eingreiðslu til að bæta upp launalækkunina sem hann tók á sig við að hefja störf hjá Arion banka. Arion banki á 53% í Valitor.
Þetta er á meðal efnis í Viðskiptablaðinu sem kom út í dag. Áskrifendur geta nálgast blaðið hér að ofan undir liðnum Tölublöð.
