Þórarinn Ævarsson, framkvæmdastjóri IKEA, segir talsverðar líkur á því að ef efnahagsástandið heldur áfram á sömu braut verði opnuð IKEA-verslun á Akureyri. Þessu greinir Morgunblaðið frá.
Búðin á Akureyri yrði um 4-5 þúsund fermetrar og mundi innihalda vinsælustu vörur verslunarinnar, en ekki er talið að rekstrargrundvöllur sé fyrir álíka stórri búð og er í Garðabæ.
IKEA hefur verið að prófa sig áfram erlendis, meðal annars á Kanaríeyjum og Mallorca, með minni búðir en áður hafa verið opnaðar og segir Þórarinn í Morgunblaðinu í dag, að áhugi sé fyrir því að gera hið sama á Akureyri.
