Hagnaður af rekstri sjóðstýringarfélagsins Landsbréfa, dótturfélags Landsbankans, nam 1.035 milljónum króna eftir skatta í fyrra 2023, samanborið við 814 milljónir á árinu 2022.
Alls voru um 18 þúsund einstaklingar og lögaðilar með fjármuni í sjóðum Landsbréfa í lok ársins 2023 og námu eignir félagsins í stýringu í lok árs 472 milljörðum króna samanborið við 456 milljarða króna árið áður.
Hreinar rekstrartekjur námu 2.405 milljónum króna á árinu 2023, samanborið við 2.019 milljónir króna árið áður.
Eigið fé í árslok 2023 var 4.118 milljónir króna samanborið við 3.783 milljónir króna í árslok 2022.
Í lok árs voru 21 stöðugildi í Landsbréfum, en ársverkin voru 21,7
„Árið 2023 var farsælt í rekstri Landsbréfa og sjóða þess, þrátt fyrir að mörgu leyti krefjandi aðstæður á mörkuðum og þá sérstaklega á innlendum hlutabréfamarkaði. Árið 2023 einkenndist af hárri verðbólgu og hækkandi vaxtastigi, sem endurspeglaði öðrum þræði mikinn kraft í íslenska hagkerfinu. Það voru og eru enn krefjandi tímar í hagstjórn hér á landi og mikilvægt að þeir sem völdin hafa taki ábyrg skref í átt að áframhaldandi hagsæld,” segir Helgi Þór Arason, framkvæmdastjóri Landsbréfa.
Í lok árs voru 21 stöðugildi í Landsbréfum, en ársverkin voru 21,7. Stjórn mun leggja til að 1 milljarður verði greiddur út í arð á aðalfundi sem haldinn verður í apríl. Landsbréf greiddu út 700 milljónir í arð til hluthafa, sem er Landsbankinn, árið 2023.
„Nýgerðir kjarasamningar, lækkandi verðbólga og væntingar um að vaxtalækkunarferli sé að hefjast styður þá skoðun mína að hægt sé að horfa björtum augum til framtíðar. Við hjá Landsbréfum tökum alvarlega það hlutverk að ávaxta sparifé landsmanna á ábyrgan hátt og erum þakklát fyrir það traust sem þúsundir sjóðafélaga hafa sýnt Landsbréfum,“ segir Helgi Þór.