Ný stjórn var kjörin á aðalfundi Félags viðskipta- og hagfræðinga (FVH), en Lára Hrafnsdóttir tekur við formennsku félagsins af Lilju Gylfadóttur, Tryggvi Másson tekur við sem varaformaður. Þetta kemur fram í tilkynningu FVH.
Lára starfar við markaðsmál og viðskiptaþróun hjá fyrirtækinu Lucinity. Þar áður starfaði hún hjá Arion banka og Saxo Bank í Kaupmannahöfn. Lára er með BSc í viðskiptafræði frá Copenhagen Business School og tvöfalda MSc gráðu í alþjóðamarkaðsfræði og stjórnun frá Copenhagen Business School og CEMS.
Sex ný koma inn í stjórn félagsins en hana skipa nú Bjarni Herrera, Gylfi Þór Sigurðsson, Harpa Rut Sigurjónsdóttir, Hálfdán Steinþórsson, Hjalti Harðarson, Lára Hrafnsdóttir, Rut Kristjánsdóttir, Tryggvi Másson, Þórarinn Hjálmarsson og Þórunn Helgadóttir. Framkvæmdastjóri félagsins er Telma Eir Aðalsteinsdóttir.
Bjarni, Gylfi, Harpa, Hjalti, Rut og Þórunn taka við af Brynju Jónbjarnardóttur, Kristjönu Sunnu Aradóttur, Kristni Árna Lár Hróbjartssyni og Lilju Gylfadóttur sem víkja úr stjórninni.
Félag viðskipta og hagfræðinga er félagsskapur háskólamenntaðs fólks í viðskipta- og hagfræði auk áhugafólks um fræðin.
