Uppistandshópurinn Mið-Ísland hefur selt um sex þúsund miða á sýningar sínar í Þjóðleikhúskjallaranum fyrir á bilinu 13-18 milljónir króna. Fjallað er um málið í Fréttablaðinu í dag. Uppistandshópurinn seldi tíu þúsund miða í fyrra. Halldór Halldórsson, löngum þekktur sem Dóri DNA, segir í samtali við blaðið stefna í að sýningarnar fari úr 38 í fyrra í 50 á þessu ári.
„En maður er ekkert að fara að kaupa sér nýjan bíl fyrir þetta því við erum með fólk í vinnu og svo deilist þetta í fimm hluta,“ segir hann.
Mið-Ísland fagnar fimm ára starfsafmæli. Hópurinn byrjaði á Prikinu en færði sig yfir í Þjóðleikhúskjallarann fyrir tveimur árum og síðan á stóra sviðið. Í fyrra flutti hópurinn sig aftur niður. Dóri telur líklegt að sýningum ljúli í mars.
