*

laugardagur, 14. desember 2019
Innlent 18. nóvember 2019 08:34

Nauðsynlegt skref

Stjórn Isavia samþykkir að stofna dótturfélög utan um ólíka starfsemi. Sveinn Þórarinsson segir þetta nauðsynlegt til að hleypa fjárfestum að Keflavíkurflugvelli.

Ritstjórn
Sveinn Þórarinsson.

Stjórn Isavia samþykkti fyrir helgi að stofna sérstök dótturfélög utan um ólíka starfsemi. Þannig verður samkeppnisrekstur á Keflavík skilinn frá rekstri innanlandsflugvalla og flugleiðsögukerfi á Norður-Atlantshafi. Fríhöfnin verður þó áfram rekin í sömu mynd. Fréttablaðið greinir frá þessu.

Sveinn Þórarinsson, sérfræðingur hjá hagfræðideild Landsbankans, segir í samtali við Fréttablaðið að ef það eigi að hleypa fjárfestum að Keflavíkurflugvelli, þá sé þetta nauðsynlegt skref í þá átt. 

„Það hefur alltaf verið ljóst að skiptingin innan Isavia, starfsemin í kringum Keflavíkurflugvöll er alveg sér á báti. Innanlandsflugið er niðurgreitt og enginn vilji meðal einkaaðila að fara þangað inn. Lofthelgin verður alltaf á hendi ríkisins. Þessi skerping á skiptingu Isavia er alveg gefin og alveg í takt við fyrri yfirlýsingar,“ hefur Fréttablaðið eftir Sveini.