Þá er reiknað við með 20,0% EBITDA framlegð og að velta verði sú mesta frá upphafi eða um 99,4 milljónir dollara. Það þýðir um 10,4% söluvöxt í staðbundinni mynt á milli ára. EBITDA stendur fyrir afkomu fyrirtækja áður en tekið er tillit til vaxtagreiðslna og vaxtatekna, skattgreiðslna og afskrifta. Hagnaður eftir skatta á fjórðungnum verður 9,6 milljónir dollara samkvæmt spánni, samanborið við 13,6 milljónir dollara á öðrum ársfjórðungi ársins 2010 sem var einhver besti ársfjórðungur félagsins frá upphafi.
Endurmetin afkomuspá 2011
IFS greining hefur endurskoðað fyrri afkomuspá sína fyrir 2011. Veltuspá hefur verið hækkuð úr 5,1% í 8,8%. Hækkað hefur verið framlegðarhlutfall fyrir árið úr 61,7% í 62,8%. Hins vegar lækkar EBITDA-hlutfall í 20% af tekjum samanborið við 20,9% í upphaflegri spá sökum aukins sölu- og stjórnunarkostnaðar á milli tímabila.
Til samanburðar hljóðar áætlun stjórnenda upp á 20-21% EBITDA-hlutfall fyrir árið. Á fyrsta ársfjórðungi var EBTIDA-framlegð leiðrétt 19,3% af sölu en EBITDA-hlutfallið var 20,7% árið 2010.
© Haraldur Guðjónsson (VB MYND/hag)
Söluvöxtur
Á síðustu tveimur ársfjórðungum hefur verið yfir 10% söluvöxtur á milli ára. Gríðarlegur vöxtur hefur verið í spelkum og stuðningsvörum (B&S). Bandaríkin hafa dregið vagninn í þeim efnum þar sem markaðshlutdeild félagsins hefur aukist og söluvöxtur verið mjög góður samhliða fjárfestingum í sölu- og markaðskerfi. Vöxturinn í Evrópu, Mið-Austurlöndum og Afríku (EMEA) var hóflegur á sama tíma. IFS greining reiknar áfram með góðum vexti í stuðningsvörum í Bandaríkjunum. Um 54% af heildarveltu Össurar koma frá B&S og 41% frá stoðtækjum. Heldur minni vöxtur hefur almennt verið í stoðtækjunum þar sem samkeppni er meiri en síðasti fjórðungur var góður í EMEA.
