Nefnd sem skipuð var af hálfu forsætisráðuneytisins í október í fyrra hefur skilað skýrslu og tillögum um bætta neytendavernd á fjármálamarkaði. Nefndin leggur m.a. til að ítarleg rannsókn verði gerð á bankamarkaði. Nefndin telur að samkeppni sé ábótavant á bankamarkaði, einkum á húsnæðislánamarkaði og leggur til að atvinnuvega- og nýsköpunarráðuneyti beiti sér fyrir rannsókn á bankamarkaðnum og geri samanburð á gjaldtöku fjármálafyrirtækja á Norðurlöndunum og öðrum nágrannaríkjum.
Þá leggur nefndin til að settt verði á fót vefsíða þar sem allar upplýsingar um fjármálaþjónustu eru veittar á skýran og aðgengilegan hátt, auðvelt verði að bera saman þjónustu banka og annarra fjármálastofnana t.d. vegna húsnæðislána, sparnaðar og vátrygginga.
Nefndin leggur sömuleiðis til að boðið verði upp á fleiri tegundir lána t.d. hrein vaxtalán og mögulega lán með verðtryggingarþaki þannig að lán hækki umfram umsanin mörk og áhætta af verðbólguskoti dreifist mili lántaka og lánveitanda.