*

þriðjudagur, 2. júní 2020
Innlent 27. mars 2020 13:31

Tvær brottfarir hjá Icelandair á morgun

Icelandair flýgur einungis til tveggja borga á morgun vegna minnkandi eftirspurnar í kjölfar veirufaraldursins.

Ritstjórn
Haraldur Guðjónsson

Einu tveir áfangastaðirnir sem flugfélagið Icelandair flýgur til á morgun, 28. mars, eru Boston borg á austurströnd Bandaríkjanna og Heathrow flugvöllur við Lundúnaborg í Bretlandi.

Alla jafna eru hátt í 40 brottfarir frá Keflavíkurflugvelli á degi hverjum, en þeim hefur nánast öllum verið aflýst vegna minnkandi eftirspurn og flugbanna vegna útbreiðslu kórónaveirunnar sem veldur Covid 19 sjúkdómnum.

Þetta kemur fram í tísti utanríkisráðuneytisins á samfélagsmiðlinum Twitter, en eins og Viðskiptablaðið hefur fjallað um hefur ráðuneytið hvatt þá sem vilja komast heim til að vera með útprentað vottorð frá ráðuneytinu með sér í flug.

Stikkorð: Icelandair Heathrow London Lundúnir Boston Covid 19