Arion banki hefur sett útibú bankans, við Digranesgötu 2 í Borgarnesi á sölu. Ásett verð er 260 milljónir króna.

Húsið er á þremur hæðum og skráð 1.174 fermetrar. Það var byggt árið 2005 undir bankastarfsemi af Sparisjóði Mýrasýslu. Á jarðhæð er verslunarrými, afgreiðslusalur á annarri hæð og á þriðju hæð er óinnréttað rými sem áður hýsti veitingasal. Hlaðin tjörn er fyrri aftan húsið.

Næsta bygging, Digranesgata 4 var einnig sett á sölu nýlega líkt og Viðskiptablaðið sagði frá . Það er í eigu Kaupfélags Borgnesinga sem rekur veitingastaðinn Food Station í húsinu.

Útibúið er ekki það eina sem Arion banki hefur sett á sölu að undanförnu en nýlega gekk bankinn á sölu á Borgartúni 18, þar sem bankinn rak útibú um nokkurra ára skeið. Kaupandinn var Virk sem greiddi 1,2 milljarða króna fyrir húsið líkt og Viðskiptablaðið greindi frá.