Rétt fyrir klukkan hálf tvö fóru fram viðskipti í Glitni fyrir 1,6 milljarð og er um að ræða ein stök viðskipti á genginu 16,5.
Meðalgengi með bréf í Glitni eru 16,7 í dag en þegar þetta er skrifað, kl. 13:30 hefur bankinn hækkað um 4,04% í Kauphöllinni og er gengi hans 16,75.
Samtals er velta með bréf í Glitni um 2,7 milljarðar í dag en eins og vb.is greindi frá fyrr í morgun var keypt í Glitni fyrir 805 milljónir í utanþingsviðskiptum í morgun.
