Ásdís Halla Bragadóttir stjórnarformaður Sinnum hélt erindi á ársfundi Samtaka atvinnulífsins í dag.
Þar gagnrýndi Ásdís harkalega fákeppni í heilbrigðisrekstri á Íslandi, ríkiseinokun og hindranir í greininni.
Ásdís tók dæmi af danskri konu sem kom til Íslands fyrir nokkru til að fara í tæknifrjóvgun. Konan kom með sæði til landsins og var stöðvuð í Keflavik og var lagður tollur á sæðið.
Eftir töluverð samskipti við yfirvöld fékkst tollurinn endurgreiddur. En þá stöðvuðu önnur yfirvöld endurgreiðsluna til konunnar. Seðlabankinn á grundvelli laga um gjaldeyrishöft.
Að sögn Ásdísar liggur endurgreiðslan ennþá hjá læknastöðinni sem framkvæmdi tæknifrjóvgunina.
