Miklar lækkanir í Kaup­höllinni í dag hafa komið mörgum í opna skjöldu en úr­vals­vísi­talan OMXI 15 hefur lækkað um tæp 2% í við­skiptum dagsins.

Gengi Al­vot­ech hefur lækkað um 8%, Icelandair um 5%, Arion Banka um 2% og Marel um 2% í 1,5 milljarðs sam­eigin­legri veltu.

Tölu­verður sölu­þrýstingur hefur verið á mörkuðum í dag og segja sér­fræðingar í verð­bréfa­við­skiptum sem Við­skipta­blaðið ræddi við að það sé erfitt að setja fingur á hvað valdi þessu.