Bjarni Benediktsson fjármálaráðherra ætlar að mæta á San Síró í Mílanó í kvöld þegar mætir Inter Milan í síðari leik liðanna í umspili um sæti í riðlakeppni Evrópudeildarinnar.
Bjarni spilaði í eina tíð með Stjörnunni. Síðasta leikinn lék hann árið 1994. Bjarni lék 128 leiki með Stjörnunni í meistaraflokki og skoraði 14 mörk. Þá spilaði hann tvo landsleiki með liði 21 ára og yngri, tólf U19 landsleiki og átta U17 landsleiki og skoraði sitt hvort markið í U19 og U17.
Stjarnan tapaði fyrri leik liðanna á Laugardalsvellinum, 3:0. Talið er að um 300 stuðningsmenn Stjörnunnar mæti á San Síró í kvöld.
