Eftir mikið verðfall í gær á hlutabréfamörkuðum í Evrópu hafa helstu vísitölur rétt úr kútnum. Bandarísk hlutabréf lækkuðu einnig í gær, en mun minna en í Evrópu.
Mest hækkunin hefur verið á Ítalíu og Spáni, þar sem hlutabréfin lækkuðu um meira en 5% eftir að Mario Draghi hélt ræðu í tengslum við vaxtaákvörðunarfund evrópska seðlabankans. Þar fór bankastjórinn yfir þær aðgerðir sem bankinn hyggst beita til að styðja við evruna. Fóru orð Draghi svo illa í fjárfesta, að hlutabréf lækkuðu um allan heim.
Helstu hlutabréfavísitölur hafa hækkað:
- FTSE London 0.62%
- DAX Frankfurt 1.02%
- CAC 40 París 1.22%
- FTSE MIB Spánn 1.72%
- IBEX 35 Ítalía 1.81%