Hlutabréfaverð Lucid Group, móðurfélags Lucid Motors, hækkaði um 9% við opnun markaða vestanhafs eftir að rafbílaframleiðandinn tilkynnti um 1 milljarða dala fjárfestingu frá Þjóðarsjóði Sádi-Arabíu.
Þjóðarsjóður Sáda mun kaupa 100,000 hlutabréf gegnum dótturfélag sitt Ayar Third Investment en um er að ræða um 12% af öllu útgefnu hlutafjár félagsins.
The Wall Street Journal greinir frá viðskiptunum en töluverðar vendingar hafa verið á rafbílamörkuðum síðustu daga.
Fisker í fjárhagsvanda
Bandaríski rafbílaframleiðandinn Fisker greindi frá því fyrir helgi að samningaviðræður við „stóran bílaframleiðanda“ um yfirtöku á félaginu hafi runnið út í sandinn.
Fisker sem danski bílahönnuðurinn Henrik Fisker stofnaði er í töluverðum fjárhagsvandræðum og framtíð félagsins í uppnámi.
Hlutabréfaverð Fisker hefur lækkað um 37% síðustu fimm viðskiptadaga. Um 1.300 manns starfa hjá fyrirtækinu sem er með höfuðstöðvar í Kaliforníu ríku.
