Fasteignasjóðurinn FAST-1, sem stýrt er af VÍB, keypti turninn Höfðatorg í miðborginni á 4,6 milljarða króna, þetta kemur fram í árshlutareikningi sjóðsins. Þetta kemur fram í ViðskiptaMogganum í dag.
Íslandsbanki, sem á VÍB, átti 72,5% hlut í Höfðatorgi og byggingarfélagið Eykt átti 27,5%. Það er í eigu Péturs Guðmundssonar, forstjóra þess. Því fékk Íslandsbanki 3,3 milljarða í sinn hlut og Eykt 1,3 milljarða.
Eignarhaldsfélagið HTO heldur utan um fasteignirnar að Höfðatorgi. En heildarstærð eigna þeirra er um 57 þúsund fermetrar að meðtöldum bílakjallara.