Velta í viðskiptum með hlutabréf nam 2,6 milljörðum króna og Úrvalsvísitala Kauphallarinnar hækkaði um hálft prósent í dag. Mest viðskipti voru með hlutabréf í Festi eða fyrir 870 milljónir króna og félagið hækkaði sömuleiðis mest, um 3,1%.
Origo hækkaði um 2,2% í litlum viðskiptum og Icelandair um 2,1% en viðskipti með bréf Icelandair námu 145 milljónum króna.
Aðeins bréf þriggja félaga lækkuðu í verði. Mest hlutabréf TM sem lækkuðu um rúmt prósent, þá fasteignafélagið Eik um hálft prósent og minnst Sjóvá um 0,3%. Af þeim þrem voru mest viðskipti með bréf Sjóvá eða fyrir 65 milljónir króna.
Töluvert meiri velta var í viðskiptum með skuldabréf eða fyrir tæpa 15 milljarða og lækkaði ávöxtunarkrafa verðtryggðra HFF34 mest eða um 18 punkta.
