Í tilkynningu frá Samtökum atvinnulífsins fagna samtökin því að meirihluti hafi myndast á Alþingi um samþykkt Icesave. Samtökin telja hagsmunum atvinnulífsins og alls samfélagsins best borgið með því að ljúka málinu með samningnum sem nú liggur fyrir.
Yfirlýsing Samtaka atvinnulífsins:
„Samtök atvinnulífsins fagna því að breiður meirihluti hefur myndast á Alþingi um samþykkt Icesave-samkomulagsins frá því í desember síðastliðnum. Samtök atvinnulífsins telja hagsmunum atvinnulífsins og alls samfélagsins best borgið með því að ljúka málinu á þeim forsendum sem nú liggja fyrir. Samtökin hvetja Alþingi til þess að ljúka málinu sem fyrst því að fjölmörg önnur mikilvæg og brýn viðfangsefni bíða úrlausnar.“
