*

þriðjudagur, 30. nóvember 2021
Erlent 16. júní 2017 12:54

Samningur um skuldir Grikkja í höfn

Samkomulag milli fjármálaráðherra evruríkjanna náðist loks í Lúxemborg í gærkvöldi.

Ritstjórn
Fjármálaráðherrar Spánar og Grikklands eftir að samkomulag var í höfn
epa

Fjármálaráðherrar evruríkjanna hafa skrifað undir samning um skuldaafléttingu Grikklands. Nemur neyðarhjálpin til Grikkja 8,5 milljörðum evra sem mun gera landinu kleift að greiða 7 milljarða evra afborgun af lánum sem eru á gjalddaga í júlí. 

Christine Lagarde forstjóri Alþjóðagjaldeyrissjóðsins greindi í kjölfar samninganna frá því að hún myndi leggja tillögu fyrir stjórn sjóðsins um þátttöku í björgunaraðgerðum gagnvart Grikklandi.

Samkomulag fjármálaráðherra evruríkjanna er svar við þeim kröfum sem Alþjóðagjaldeyrissjóðurinn hafði lagt fram um að evruríkin myndi veita Grikkjum skuldaafléttingu áður en þátttaka sjóðsins í björgunaraðgerðum kæmi til greina.