Siv Friðleifsdóttir, þingmaður Framsóknarflokksins mun áfram leiða lista framsóknarmanna í Suðvesturkjördæmi en í gær var haldið prófkjör flokksins.
Ellefu gáfu kost á sér en kosið var í fimm sæti. Alls greiddu 1.068 manns atkvæði, 1.020 atkvæði voru gild en 48 atkvæði voru ógild.
Staða fimm efstu frambjóðenda var þessi eftir að öll atkvæði höfðu verið talin:
- Siv Friðleifsdóttir - 498 atkvæði í 1. sæti
- Helga Sigrún Harðardóttir - 433 atkvæði í 1.-2. sæti
- Una María Óskarsdóttir - 494 atkvæði í 1.-3. sæti
- Bryndís Bjarnarson - 439 atkvæði í 1.-4. sæti
- Svala Rún Sigurðardóttir - 510 atkvæði í 1.-5. sæti
Samkvæmt reglum flokksins um jafnrétti kynjanna skal tryggt að í efstu 3 sætum listans sé að lágmarki 1 af öðru kyninu og að í efstu 5 sætum séu að lágmarki 2 af öðru kyninu.
Eftir að tillit hefur verið tekið til ákvæða í reglum prófkjörsins um jafnrétti kynjanna, þá er lokaniðurstaða þessi:
- 1. sæti Siv Friðleifsdóttir
- 2. sæti Helga Sigrún Harðardóttir
- 3. sæti Gestur Valgarðsson með 332 atkvæði í 1.-3. sæti
- 4. sæti Una María Óskarsdóttir
- 5. sæti Styrmir Þorgilsson með 414 atkvæði í 1.-5. sæti