*

sunnudagur, 16. júní 2019
Innlent 8. apríl 2019 14:41

Skúli segist fá jákvæð viðbrögð

Fyrrverandi forstjóri Wow air segir hópfjármögnun til endurreisnar félagsins fá „óheyrilega jákvæð viðbrögð frá almenningi“.

Ritstjórn
Skúli Mogensen var forstjóri, eigandi og stofnandi Wow air.
Birgir Ísl. Gunnarsson

Skúli Mogensen fyrrverandi forstjóri lággjaldaflugfélagsins Wow air segir ástæðu þess að hann hyggist bjóða upp á hópfjármögnun fyrir almenning sem vilji hjálpa til við að endurreisa félagið sé vegna þess að hann hafi fengið „hvatningu til þess að bjóða almenningi til að taka þátt í þessu með okkur“, að því er RÚV greinir frá.

Eins og sagt hefur verið frá í fréttum í morgun mun hann þó hafa knappan tíma, eða út vikuna til að ná samkomulagi um leigu flugvéla sem enn eru merktar félaginu áður en farið verður í að endurmála þær fyrir útleigu til annarra félaga.

„Ég hef fengið óheyrilega jákvæð viðbrögð frá almenningi, út um allt land,“ segir Skúli spurður út í viðbrögð við áætlunum sínum, en gert er ráð fyrir að lágmarksupphæð sé um 250 þúsund krónur á hvern þátttakanda.

Þó hefur ekki komið fram hvað styrktaraðilar fái í staðinn, eins og hefð er fyrir, en oft er um ýmis konar vörur eða þjónustu er að ræða frá fyrirtækinu sem fær fjármögnun, eða jafnvel hlutafé.

25 ára afmælistilboð VB – 50% afsláttur af áskrift

Afmælistilboð VB

Viðskiptablaðið er 25 ára og af því tilefni býðst nýjum áskrifendum að kaupa áskrift á 50% afslætti.
Afmælisverðið er aðeins 2.500 krónur.

Tilboðið er fyrir nýja áskrifendur. Núverandi áskrifendur geta bætt við sig áskrift á þessu verði. Gildir í 4 mánuði. Áskrifendur fá Viðskiptablaðið, Frjálsa verslun og Fiskifréttir sent ásamt vefaðgangi að vb.is og fiskifrettir.is