*

fimmtudagur, 27. júní 2019
Innlent 8. apríl 2019 08:34

Skúli lætur reyna á hópfjármögnun

Skúli Mogensen hyggst safna umtalsverðum fjárhæðum, meðal annars með erlendri hópfjármögnun.

Ritstjórn
Haraldur Guðjónsson

Skúli Mogensen hyggst safna umtalsverðum fjárhæðum, sem ætlaðar eru til að endurreisa Wow air, meðal annars með erlendri hópfjármögnun. Talað er um að hann ætli að safna 670 milljónum króna á þennan hátt, að því er Fréttablaðið greinir frá.

Segir Fréttablaðið að um að lágmarksfjárhæð sem verði hægt að leggja til verkefnisins verði um 200-250 þúsund krónur. Samkvæmt heimildum blaðsins hafi skiptastjórar þrotabús WOW tekið vel í hugmyndir um að Skúli og þeir lykilstarfsmenn sem taka þátt í endurreisninni taki yfir kröfur um 200 starfsmanna um vangoldin laun og fyrirgeri þar með rétti sínum á þriggja mánaða uppsagnarfresti sem þeir eiga inni hjá hinu fallna WOW air. Slíkt sé samfélagslega ábyrgt og til þess fallið að almennir kröfuhafar eigi meiri möguleika á heimtum úr þrotabúinu. Í staðinn fái Skúli að halda vörumerkinu WOW.

Áður hefur verið greint frá því að Skúli og helstu lykilstarfsmenn WOW air vilji endurvekja rekstur flugfélagsins. Þeir leitiu nú fjármögnunar upp á 4,8 milljarða króna, til þess að koma rekstrinum af stað á nýjan leik.

Að mati heimildarmanna Fréttablaðsins er knappur tímarammi það sem gæti komið í veg fyrir þessar áætlanir Skúla. Vélarnar sem Skúli hyggist taka á leigu muni ekki standa auðar mikið lengur en út vikuna.

Stikkorð: Skúli Mogensen Wow air
25 ára afmælistilboð VB – 50% afsláttur af áskrift

Afmælistilboð VB

Viðskiptablaðið er 25 ára og af því tilefni býðst nýjum áskrifendum að kaupa áskrift á 50% afslætti.
Afmælisverðið er aðeins 2.500 krónur.

Tilboðið er fyrir nýja áskrifendur. Núverandi áskrifendur geta bætt við sig áskrift á þessu verði. Gildir í 4 mánuði. Áskrifendur fá Viðskiptablaðið, Frjálsa verslun og Fiskifréttir sent ásamt vefaðgangi að vb.is og fiskifrettir.is